चितवन, साउन १८ । पूर्वी चितवनको राप्ति नगरपालिका ७ बिरेन्द्रनगरमा ट्रकको ठक्करबाट एक जनाको मृत्यु भएको छ भने एक जना घाईते भएकाछन् ।

बिरेन्द्रनगर चोकमा पश्चिमबाट पूर्वतर्फ जाँदै गरेको ना ६ख ५९८६ नम्बरको ट्रकले सोही दिशा बाट जाँदै गरेको बागमती प्रदेश ०३-००३ प १२०९ नं.को स्कुटरलाई ठक्कर दिएको हो । ट्रकले स्कुटरलाई ठक्कर दिँदा स्कुटरमा पछाडी सवार एकजनाको मृत्यु भएको छ ।

ट्रकको ठक्करबाट स्कुटरमा पछाडी सवार राप्ती ६ हर्दीकी २४ बर्षिय रमिता तामाङ कुवरको मृत्यु भएको प्रहरीले जनाएको छ । गम्भीर घाईते तामाङको उपचारको क्रममा मृत्यु भएको प्रहरीले बताएको छ । दुर्घटनामा परि स्कुटर चालक उनका श्रीमान बर्ष २८ का सुशील कुवर घाइते भएका छन् । उनको पुरानो मेडिकल कलेजमा उपचार भईरहेको छ ।

दुर्घटना पश्चात अहिले स्थानीयहरुले पुर्वपश्चिम राजमार्ग अबरुद्ध पारेकाछन् । अवरुद्ध राजमार्ग अहिले प्रहरीले सुचारु गरेको छ ।

प्रतिक्रिया

सम्बन्धित खवर

ताजा समाचार