चितवन, कात्तिक ४ । लामो समय संगीत साधनामा आफुलाई समर्पित गरेका उदय मानन्धरको सांगीतिक कोशेली ‘सत्कर्म’ सार्वजनिक गरिएको छ ।

रत्ननगर १४ स्थित कलाकार टिकाराम लामिछाने निवासमा आयोजित १ औपचारिक कार्यक्रम मार्फत गीत सार्वजनिक गरिएको हो । कार्यक्रममा प्रमुख अतिथि समेत रहेका गामबेसिको चेपाङ संरक्षण केन्द्रका अध्यक्ष केपिकिरण शर्माले गीतले सामाजिक यथार्थलाई चित्रण गरेको कारण यो गीत सफल हुनुपर्ने बताएका थिए । कार्यक्रममा पूर्वी चितवन पत्रकार संघका अध्यक्ष होमनाथ सापकोटा, बिप्स मिडिया अध्यक्ष विपिन शर्मा आचार्य लगाएतले मन्तव्य राखेका थिए ।

उदय मानन्धरको संगीत तथा आवाजमा सजिएको गीतलाई लक्ष्मी मानन्धरले लेखेकाहुन् । गीतले मानिसले आफु र आफ्नो अस्तित्व चिन्नुपर्ने भाव उठाएको छ । दुईदिने चोलामा सत्कर्म मार्फत आफ्नो कार्य अघी बढाउन मानिसहरुलाई प्रेरित समेत गीतले गरेको छ ।

गीतको भिडियोमा रामु आचार्य, उषा भट्ट, टिकाराम लामिछाने, गोपाल नेपाल, मदन अच्छामी, कृष्ण बस्नेत, मनसुन रिमाल, मानबहादुर थापा लगाएतको अभिनय रहेको छ ।

चितवनको रमणिय पर्यटकिय गन्तव्य गर्दाशका मनोरम दृश्य गीतमा देख्न सकिन्छ । गीतलाई इमान बस्नेत र मदन अच्छामीले खिचेका हुन् । रामु आचार्यको सम्पादन तथा निर्देशनमा तयार भएको भिडियोले यथार्थलाई चित्रण गर्न सफल रहेको गायक मानन्धरले बताए ।

गीतलाई भिन्तुना कला केन्द्रको आधिकारीक युट्युव च्यानलमा सार्वजनिक गरिएको छ ।

प्रतिक्रिया

सम्बन्धित खवर

ताजा समाचार