चितवन, पुस ८ । चितवनमा कलेज स्तरिय फुट्सल प्रतियोगिता आयोजना हुने भएको छ ।
रत्ननगर जुनियर जेसिजको आयोजनामा पुस ९ र १० गते चितवन जिल्लामा रहेका सम्पूर्ण कलेजहरुको उपस्थितिमा कलेज स्तरिय फुट्सल प्रतियोगिता आयोजना हुने भएको छ । अंग्रेजी नया वर्षलाई स्वागत गर्दै फुट्सल प्रेमी खेलाडी तथा दर्शकको मागलाई आत्मसात गर्दै प्रतियोगिता आयोजना गर्न लागिएको रत्ननगर जुनियर जेसिजका उपाध्यक्ष रोशन तिमल्सिनाले जानकारी दिए ।
प्रतियोगिताका विजेताले नगद २० हजार रुपैया, कप, मेडल र प्रमाण पत्र पाउनेछन् भने उप विजेताले नगद १० हजार रुपैया, कप, मेडल र प्रमाण पत्र पाउनेछन् । सो फुट्सल प्रतियोगिता ब्रदर्स फुट्सल क्षेत्रपुरमा आयोजना हुनेछ ।