इंग्लिस प्रिमियर लिग: टोटेनहमको सहज जित

पुस १२ । इंग्लिस प्रिमियर लिग फुटबलमा टोटेनहमले जित निकालेको छ ।

आइतबार राति भएको खेलमा टोटेनहमले क्रिस्टल प्यालेसलाई ३-० गोल अन्तरले हराएको हो । घरेलु मैदानमा ह्यारी केनले ३२ औं मिनेटमा गोल गर्दै टोटेनहमलाई सुरुआती अग्रता दिलाएका थिए ।

खेलको ३४ औं मिनेटमा लुकास मौराले गोल गर्दै टोटेनहमलाई २-० को अग्रता दिलाए । खेलको ३७ औं मिनेटमा विलफ्रेड जाहाले रातो कार्ड पाएपछि क्रिस्टल १० खेलाडीमा समेटिएको थियो । त्यसपछि खेलको ७४ औं मिनेटमा सन ह्युङ मिनले गोल गर्दै टोटेनहमलाई ३-० को जित दिलाए ।

जितसँगै टोटेनहमले १६ खेलमा २९ अंक जोडेको छ । टोटेनहम पाँचौं स्थानमा उक्लिएको छ । क्रिस्टल २० अंक जोडेर १२ औं स्थानमा रहेको छ ।

शेयर गर्नुहोस्ः
Facebook
Twitter
LinkedIn
WhatsApp
Email
Skype
No widgets found. Go to Widget page and add the widget in Offcanvas Sidebar Widget Area.