फिलिपिन्स, मंसिर २५ । फिलिपिन्सको रिजाल प्रान्तमा शनिबार राति आएको बाढीले यात्रुवाहक जिप बगाउँदा पाँच वर्षीया बालिकासहित आठ यात्रुको मृत्यु भएको छ ।
उक्त प्रान्तमा पर्ने तने नगर प्रहरीका अधिकारी जेसन बेनिटेजले बताएअनुसार दुर्घटना राति ९ बजेअघि भएको थियो । खोला तर्ने क्रममा बाढीले २५ जना यात्रु बोकेको जिप बगाएको हो ।
तने नगरको प्रकोप न्यूनीकरण व्यवस्थापन कार्यालयका प्रमुख नोर्बर्टो फ्रान्सिस्को माटिएन्जोले बाढीले बगाउँदा जिप नदीको बीचमा फसेको बताएका छन् । एजेन्सी