प्रकाशवावु खनाल, चितवन
कमलनाथ अधिकारी अनुभवले खारिएका नेता हुन् । यस पटकको स्थानीय निर्वाचनमा रत्ननगर १४ बाट वडाध्यक्षको लागि उनी आकांक्षी हुन् । “ मैले आकांक्षा राख्नुको कारण जनचाहना हो” उनी भन्छन् “ राजनीतिमा लागे पछि जनादेशलाई स्वीकार्नु मेरो धर्म हो” । अधिकारी शालीन स्वभावका व्यक्ति हुन् । उनी मौन बस्छन् तर कसैको मन दुखाउँदैनन् । सबैको भलो नै चाहन्छन् । उनी कुशल संगठन कर्ता पनि हुन् । उनी सभापति हुँदा उलेख्य संख्यामा कांग्रेस कृयाशीलता थपेका थिए । यस पटकको टोल कार्य समितिको गठन हुँदा पनि उनको पहलमा नेपाली कांग्रेसमा प्रवेश गर्नेको संख्या उल्लेख्य थियो । गत स्थानीय निर्वाचनमा पनि उनी वडाध्यक्षका लागि आकांक्षी थिए । तर अन्तिम समयमा उनी टिकट पाउनबाट बन्चित भएका थिए ।
वडा भरि सबै तिर परिवारिक सम्बन्ध भएकै कारण टिकट पाए अधिकारीले निर्वाचन जित्ने विश्लेशकहरुको मत छ ।
कांग्रेसमा त्यागी नेताको रुपमा चिनिने उनी पदको पछाडि कहिल्यै परेनन् । जागिरे जीवनबाट अवकाश पाए पछि उनी पूर्णकालीन भै राजनीतिमा सकृय छन् । समाजका मठ , मन्दिर , विद्यालय, बाटो , रेडक्रस, सहकारी जस्ता संस्थामा उनी समितिमा रहेर कार्य गरिसकेका छन् । हाल उनी पिठुवा रेडक्रसका सभापति हुन् । उनकै नेतृत्वमा पिठुवा रेडक्रसले जग्गाको समेत व्यवस्था गरी भवन निर्माण कार्य अगाडि बढाई रहेको छ । राजनीति पेषा होइन सेवा हो भन्दै रात दिन नभनी जनताको सेवामा उनी खटिन्छन् । समाजका घर झगडा , साँध झगडा मिलाउन पनि उनी पुग्छन् । राजनीतिमा लागेर नेताको चाकरी गर्नु भन्दा जनताको सेवा गर्न सके जनताको मनमा बस्न सकिने उनको धारण छ ।
“ वडाध्यक्षको टिकट पाए पनि ठिकै छ , नपाए पनि ठिकै छ ,” उनी भन्छन् “ म जनताको सेवामा छु, कांग्रेस जिताउन तयार छु ।” अधिकारी अनुभवले खारिएका नेता हुन् । सधैँ न्यायको पक्षमा उभिन्छन् । मीठो बोली र नरम व्यवहारकै कारणले उनी १४ औ अधिवेशनमा अध्याधिक मतले नगर उपसभापतिमा निर्वाचित भएका थिए । “राजनीतिमा थोरै विकृति भित्रिएको छ” उनी भन्छन् “राजनीतिलाई समाज सेवाको मार्गमा हिडाउनु पर्छ ।”
उनी विकाश प्रेमी नेता हुन् । वडा मार्फत तथा प्रदेश मार्फत विनियोजन हुने बजेटमा रङ देखिने गरेको उनको गुनासो छ । “ कर त सबै जनताले तिरेका हुन्छन् तर विकाश वितरणमा आफ्नो र आर्को भन्ने संस्कारको म अन्त्य गर्न चाहन्छु ।” अधिकारी थप्छन् “ जुन पार्टीले जिते पनि वडा सबैको साझा हुनु पर्ने हो तर त्यसो हुन सकेन ।”
पिठुवाका सबै सडकहरुलाई आवश्यकता अनुसार फराकिलो र कालो पत्रे बनाउने , वडावासीलाई शुद्ध पिउने पानीको व्यवस्था गर्ने , सबैको पहुँचमा शिक्षा र स्वास्थ्य पुर्याउने , वृद्धवृद्धालाई स्वस्थ्य सुविधा, किसानहरुलाई मल, बीउमा सहुलियत, आधुनिक कृषि प्रविधि , विमाको व्यवस्था , ढलको व्यवस्था , तट बन्धन , सुकुम्वासीलाई व्यवस्थित वसोवासको व्यवस्था गर्ने उनको लक्ष्य छ । देश र जनताको पक्षमा हुने गठबन्धनलाई सहज रुपमा लिनु पर्ने उनको धारण छ । “ म समग्र नगरवासीलाई नगर उपसभापतिको हैसियतले भन्न चाहन्छु , गठबन्धनलाई नेपाली कांग्रेसले लोभीपापीको स्वर्थ सिद्ध गर्ने साधन बनाउन दिने छैन ।”