गाउँ शहर टोल टोल , माधव कै माहोल ।

प्रकाशवावु खनाल, चितवन
स्थानीय निर्वाचनको माहोल दिनप्रतिदिन तात्दो छ । आकांक्षीहरुको दौडधुप चर्को छ । भरतपुर जस्तै रत्ननगर पनि कुनै हालतमा छाड्न नसकिने जनस्तरमा कांग्रेसहरुको अडान यथावत छ । तर आकांक्षीहरुको बीचमा भने प्रतिस्पर्धा चर्को छ । आकांक्षीहरुमा माधवप्रसाद अर्याल बलिया दाबेदार हुन् । नेपाली काग्रेसको इतिहासमा माधव सतिसाल झै अडिक छन् । उनी सर्वप्रिय पनि छन् । रत्ननगरमा मेयरको लागि माधवको चर्चा चुँलिदो छ । केन्द्रीय स्तरको नेताहरु सँग पनि उनको घनिष्ट सम्बन्ध छ । नेताहरु सँग मात्र होइन कार्यकर्ता जनस्तरमा पनि अर्याल भिजेका शालीन नेता हुन् । राजनैतिक योगदानको हिसावले पनि माधवले मौका पाउनु पर्ने कार्यकर्ता मतदाताको मत छ ।
“राजनैतिक योगदानमा आधारित रहेर सबैले समान अवसर पाउनु पर्छ ।” अर्याल भन्छन् “ यस पटक केन्द्रले पक्कै जनभावना बुझ्ने छ ।” माधव योगदान दिएका तर अवसर नपाएका नेता हुन् । उनी जननिर्वाचित व्यक्ति पनि हुन् । उनी २०५४ सालको स्थानीय निर्वाचनमा वडाध्यक्षमा निर्वाचित जनप्रतिनिधि थिए । जनप्रतिनिधिको हिसाबले तात्कालीन समयमा उनको वडा विकाशका दृष्टिले धेरै अगाडि थियो । उनले गरेका तथा तयार पारेका विकाशका ढाँचा बाट सबै लोभिन्थे । उनी सबै सँग सन्तुलित व्यवहार गर्छन् ।
“सबै साथीहरुले सबैलाई संम्मान गर्दै अगाडि बढ्नु पर्छ ।” उनी भन्छन् “ अरुलाई टोक्दा माहुरी आफैँ सकिए जस्तो हामी हुनुहुदैन । उनी थप्छन् “ म सबैका लागि र सबै मेरा लागि ।” अर्याल खुला ह्रदयका छन् । यस पटक नेपाली कांग्रेसको राम्रो माहोल छ । सबै जनताको घर दैलोमा पुगेको र केही जनताको घरदैलोमा पुग्नेक्रममा रहेको उनी बताउँछन् । “ सबै तिर म कांग्रेसको माहोल देख्छु तर जनतामा मेरो माहोल छ ।”
सामाजिक अभियान्ताका रुपमा जनमनमा बस्न सफल उनी कुशल संगठनकर्ता तथा शालीन र भद्र छन् । उनको शालीनताका कारणले विपक्षीहरुको मत समेत खाने विश्लेषकहरुको भनाई छ । कम बोल्ने अर्याल सबैलाई बराबर महत्व दिन्छन् । समाजमा वौद्धक र तार्किक व्यक्तिको रुपमा परिचय बनाएका छन् । निष्ठाको राजनीति गर्ने अर्याल विद्यार्थी जीवनवाट नै सबैले आश गरेका सरल , ईमान्दार क्षमतावान व्यक्तिका रुपमा चिनिन्छन् । विगतका निर्वाचित कम्युनिष्टहरुले रत्ननगरलाई बेथिति, अव्यवस्थित र भ्रष्ट्रचारको अखडा बनाएकाले कम्युनिष्टहरुलाई दण्डित गर्न जनता तयार रहेको उनको भनाई छ । गठबन्धन बाट कोही निरास बन्नु नपर्ने अर्याल बताउँछन् । कांग्रेस पार्टीलाई देशको पहिलो पार्टी बनाएर जनतालाई खुशी पर्नका लागि नै यो गठबन्धन केन्द्रीत भएको उनको धरणा छ । देश र जनतालाई सिध्याउन लाग्ने प्रतिगामीहरुको विरुद्धमा यो गठबन्धन बनेको उनको आशय छ । “यस पटक मेयरमा मलाई देख्न चाहने जनताहरुको इच्चा पूरा हुने छ ।” उनी भन्छन् “ रत्ननगर कांग्रेसमय भै सक्यो नेपाली कांग्रेसको जितलाई अव कसैले छेक्न सक्दैन ।”